Dalit Women Right Forum (DWRF) NEPAL

Dhandadhi, Estd 2064

सहभागीता मूलक योजना तर्जुमा सम्बन्धी तालिम

  April 25, 2019

दलित महिला अधिकार मञ्च नेपालले कैलारी गाउँपालिकामा सहभागीता मूलक योजना तर्जुमा सम्बन्धी तीन दिने तालिम बुधबार सम्पन्न गरेको छ । बैशाख ९ देखी ११ गते सम्म संचालन गरिएको तालिम आज सम्पन्न भएको हो ।

दलित महिला तथा सिमान्तकृ समुदायहरु गाउँपालिकामा योजना कसरी पेश गर्ने, योजना छनौट प्रक्रिया र त्यसका चरणहरुबारे जानकारी गराइएको थियो ।

तालिममा सहभागीहरुबाटै नमुना योजना बनाइएको थियो । योजना बनाउँदा बस्तु स्थितिको लेखाजोखा गरेर लिखितरुपमा योजना पेश गर्ने बिधि र प्रक्रिया सिकाइएको दलित महिला अधिकार मञ्च नेपालका कार्यक्रम संयोजक रोशा थापाले जानकारी दिईन् ।

उनले यो भन्दा पहिला पनि यस्तै तालिम सञ्चालन गरिएको बताउदै गत वर्ष समुदायले महिला र दलितलाई लक्षित गरेर योजना पेश गरेको बताईन् । तर यो वर्ष महिला, दलित बालबालिका र यूवाहरुलाई लक्षित गरेर योजना पेश गर्ने समुदायको योजना रहेको बताईन् ।

कैलारी गाउँपालिकाका सामाजिक विकास अधिकृत यगम कलेलले गाउँपालिकाको आन्तरिक आयस्रोत कसरी जुटाउन सकिन्छ भन्ने विषयमा छलफल गरेका थिए । तालिममा ३० जना सहभागीहरुको उपस्थिति रहेको थियो । बैशाख १२ देखि १४ सम्म गौरीगंगामा पनि यस्तै तालिम सञ्चालन गर्न लागेको संयोजक थापाले जानकारी दिईन् ।

केर्नी न्युजबाट साभार