Dalit Women Right Forum (DWRF) NEPAL

Dhandadhi, Estd 2064

तीन वर्ष भित्र जातिय विभेद अन्त्य गरिने लक्ष्य

  September 11, 2017

भदौ २६
कैलालीको कैलारी गाउंपालिकालाई जातिय विभेद अन्त्य गरिने लक्ष्य लिएको जानकारी दिईएको छ । आगामी तीन वर्ष भित्र सो गाउपालिकामा जातिय विभेद अन्त्य गर्ने लक्ष्य रहेको कैलारी गाउंपालिकाका अध्यक्ष अकिंत चौधरीले एक कार्यक्रममा जानकारी दिनुभएको हो । डिसिएको आर्थिक सहयोग तथा दलित महिला अधिकार मंच नेपालद्धारा हसुलियमा सञ्चालित जनप्रतिनिधि वडाध्यक्ष र महिला सदस्यहरुलाई नेतृत्व विकाश सम्बन्धि दूई दिने तालिम उदघाटन कार्यक्रममा बोल्दै अध्यक्ष चौधरीले विषयगत समितीमा जनप्रतिनिधी समावेश गरेको र समितीमा बजेट छुटयाउन नेतृत्वसीपको तालिमले सहयोग गर्ने पनि बताउनुभएको छ । जननिर्वाचित महिला,दलित महिला तथा वडा अध्यक्षहरुको नेतृत्व विकाश गर्ने उदेश्यले तालिम संचालन गरिएको संस्थाकी कार्यकारी निर्देशक सावित्रा घिमिरेले बताउनभयो । दलित महिला अधिकार मंचकी अध्यक्ष विमला बगाले सभाध्यक्ष रहनुभएको कार्यक्रमको उदघाटन कैलारी गाउंपालिकाका अध्यक्ष अकिंत चौधरीले गर्नुभएको थियो । कार्यक्रममा विशिष्ट अथिति उपाध्यक्ष लक्ष्मि चौधरी,प्रहरी सहायक निरिक्षक हर्क बहादुर बुढा रहनुभएको थियो भने कार्यक्रमको संचालन कार्यकारी निर्देशक साबित्रा घिमिरेले गर्नुभएको थियो । दुई दिन सम्म सचांलन हुने ताललिममा ३५ जना जनप्रतिनिधिहरुको सहभागिता रहेको छ भने डा.जानकी तुलाधरले प्रशिक्षण गरिरहनुभएको छ ।